Cael eich Cyfrif – cymerwch ran yng Nghyfrifiad y Gweithlu Coedwigaeth, Prydain Fawr

Beth yw Cyfrifiad y Gweithlu Coedwigaeth, Prydain Fawr?

Mae Forest Research, ar ran y Comisiwn Coedwigaeth, Scottish Forestry, a Llywodraeth Cymru, yn lansio Cyfrifiad y Gweithlu Coedwigaeth. Y nod yw deall yn well sut beth yw gweithlu gweithrediadau coedwigaeth ym Mhrydain Fawr heddiw.

Bydd y Cyfrifiad yn nodi maint y gweithlu a graddfa gweithrediadau coedwigaeth. Bydd gwybodaeth fanwl gywir a chyfoes am faint a ffurf y gweithlu coedwigaeth yn helpu’r sector i gynllunio at y dyfodol, nodi lle mae bylchau sgiliau a chynorthwyo i sefydlu camau i wneud y mwyaf o botensial coedwigaeth.

Pwy sy’n cael cais i gyflwyno gwybodaeth a phryd?

Gofynnir i fudiadau ar draws y sector coedwigaeth gyflwyno gwybodaeth am eu gweithlu ar ddau ddyddiad ar wahân – ar 1 Hydref 2026 ac 1 Mawrth 2027 – i gymryd i ystyriaeth rolau sy’n rhai tymhorol. 

Bydd gan fudiadau fis wedi’r dyddiadau hyn i lenwi’r holiadur am bwy oedd yn gweithio ar y dyddiad penodol hwnnw. Os bydd unigolyn yn gweithio ar 1 Hydref 2026 a 1 Mawrth 2027, dylid eu cyfrif am ddau ddiwrnod y cyfrifiad.

Mae cymryd rhan yn wirfoddol.

Gwahoddir pob mudiad i gymryd rhan, o’r rhai sydd ag un person yn unig i gwmnïau mwy gyda llawer o bobl ac is-fudiadau, boed yn gyflogedig a/neu ar gontract.

Pwy ddylai gymryd rhan:

• Cwmnïau gyda dim ond un unigolyn, fel unig fasnachwyr a sefydliadau un-person, yr holl ffordd at sefydliadau mwy

Pwy na ddylai gymryd rhan:

• Unigolion a gyflogir gan fudiad. Anelir yr arolwg at gyflogwyr yn hytrach na gweithwyr. Dylai’r rhai mewn safle uwch ac sy’n gwneud penderfyniadau, megis Prif Weithredwyr a chyfarwyddwyr AD, lenwi’r arolwg ar eich rhan.

Beth fydd Cyfrifiad y Gweithlu Coedwigaeth yn ymdrin ag ef?

Bydd y Cyfrifiad yn dal gwybodaeth am bobl sy’n gweithio (yn gyflogedig, ar gontract neu fel arall) ar y gweithgareddau a ganlyn o ran gweithrediadau coedwigaeth:

• cynllunio
• cynhyrchu coed /gwaith mewn planhigfeydd
• paratoi tir, plannu, sefydlu neu gynnal a chadw
• rheoli coetiroedd a/neu reoli pobl sy’n gweithio ar goetiroedd
• cynaeafu
• tynnu pren a gwaith cludo
• gwaith tirfesur a chreu rhestrau eiddo.

O hyn allan, cynhelir y Cyfrifiad bob pum mlynedd. Bydd canlyniadau’r Cyfrifiad ar gael i’r cyhoedd.

Rhowch eich enw i gael rhybudd ebost

I gael eich atgoffa ymlaen llaw cyn i’r Cyfrifiad fynd yn fyw ym misoedd Hydref a Mawrth, llofnodwch i dderbyn e-lythyr newyddion Forest Research.

Rhowch eich enw i gael ein llythyr newyddion

Rhowch eich enw i gael ein llythyr newyddion

Sut mae fy mudiad yn cymryd rhan?

1. Paratoi

Rhwng nawr ac 1 Hydref 2026 a 1 Mawrth 2027, gallwch gynllunio sut i gasglu’r wybodaeth a ganlyn am eich gweithlu (mae angen i’r data a gyflwynir adlewyrchu’r darlun fel y mae yn eich mudiad ar 1 Hydref a 1 Mawrth 2027):

• sawl gweithiwr Cyfatebol Llawn Amser (CLlA) oedd yn gweithio ar weithgareddau yn ymwneud â choedwigoedd –
  • yn ôl rôl (gweler rhestr *1 isod)
  • yn ôl gwlad y safle
  • yn ôl grŵp oedran
  • yn ôl rhyw
• faint o’r rhai Cyfatebol Llawn Amser (CLlA) oedd yn hyfforddeion neu’n brentisiaid yn gweithio ar weithgareddau yn ymwneud â choedwigoedd
• faint o waith yn ymwneud â choedwigoedd a wnaed dan weithgareddau penodol (gweler *2) yn y flwyddyn ddiwethaf neu flwyddyn waith nodweddiadol o fewn y pum mlynedd a aeth heibio
• pa rolau yn eich barn chi sydd fwyaf anodd eu llenwi

2. Cymryd Rhan

Ar 1 Hydref 2026 ac 1 Mawrth 2027, bydd y Cyfrifiad yn mynd yn fyw.

• Ewch at y dudalen hon i lenwi’r holiadur ar-lein
• Os na allwch lenwi’r ffurflenni ar-lein, ffoniwch 0300 067 5238 neu e-bostiwch statistics@forestresearch.gov.uk i ofyn am gopi o’r holiadur; gellir ei gyflwyno trwy e-bost

Bydd angen cyflwyno’r holiaduron erbyn:

• 30 Hydref 2026
• 31 Mawrth 2027

Caiff yr holl ddata a ddarperir ei drin yn hollol gyfrinachol a chaiff ei gasglu ynghyd gyda data o fusnesau eraill fe na fydd modd adnabod unrhyw fusnes unigol mewn unrhyw gyhoeddiad nac adroddiad arall.

Cysylltu

Os oes gennych unrhyw ymholiadau, ffoniwch 0300 067 5238 neu e-bostiwch statistics@forestresearch.gov.uk

*1 – Rolau gwaith coedwigaeth

• Planhigfa coedwigaeth 
  • Technegydd neu reolwr cnydau
  • Gweithiwr neu asiantaeth planhigfa
• Cynllunio 
  • Asiant, rheolwr, ymgynghorydd neu goedwigwr 
  • Syrfëwr
• Rheoli coedwigoedd
  • Gweithiwr coedwig neu grefftwr/wraig
    • Prysgoedio
    • Sefydlu a chynnal a chadw 
    • Ffensio
    • Plannu
  • Gweithiwr paratoi tir 
  • Rheolwr gwaith coedwig 
  • Goruchwyliwr 
  • Asiant, rheolwr, ymgynghorydd neu goedwigwr
  • Rheolwr bywyd gwyllt, rheolwr pläon neu drywyddwr 
• Cynaeafu (gan gynnwys teneuo) tynnu a chludo 
  • Gweithiwr coedwig neu grefftwr/wraig 
    • Gweithiwr llif gadwyn (cwympo) 
  • Rheolwr gwaith coedwig 
  • Goruchwyliwr 
  • Triniwr peiriannau 
    • Cynaeafwr 
    • Cludwr ymlaen 
    • Arall
  • Gyrrwr wagen 
• Arall 
  • Peiriannydd sifil
  • Coedwigwr cymunedol
  • Gweithiwr drôn
  • Ecolegydd
  • Technegydd GIS
  • Ymgynghorydd ar amgylcheddau hanesyddol
  • Swyddog coed i awdurdod lleol
  • Trinwyr peiriannau (peirianneg sifil)

*2 – Gweithgareddau penodol a wnaed yn y flwyddyn ddiwethaf neu flwyddyn waith nodweddiadol o fewn y pum mlynedd a aeth heibio.

• Cynhyrchu coed mewn planhigfa [Nifer o goed]
• Planning [Hectarau]
• Plannu o’r newydd (gan gynnwys paratoi a chynnal a chadw’r tir) [Hectarau]
• Ailstocio [Hectarau]
• Arwynebedd o goetir dan reolaeth (gan gynnwys coetiroedd newydd) [Hectarau]
• Gwaith tirfesur a chreu rhestrau eiddo [Hectarau]
• Cynaeafu [Metrau ciwbig]
• Cludo [Tunelli]